Pastis carcinòl "anguila" par france3midipyrenees
Dins un ensaladièr vojar 2 veires d’aiga, un pesuc de sal, 3 uòus e 2 culhièrs a sopa d’òli. Mesclar aquò e aprèp botar 700 gramas de farinas. Cal far atencion qu’aquò fasque pas de folhòlas. Far una bòla de pasta. Pèi la tustar sus la taula. La cal botar dins una pòcha ambe un pauc d’òli e o daissar pausar una ora.
Sus una taula, botar un lençòl qu’òm farina coma cal per que la pasta s’atrape pas. Ã’m se farina las mans e pauc a pauc òm estira la pasta sus tota la taula d’un biais omogèn. Los bòrds se còpan e serviràn a far de mervèlhas.
Dins un bòl mesclar de sucre e de sucre vanilhat ; 300 gramas en tot ; pèi o espandir sus la pasta.
Copar doas pomas e las repartir sus la pasta a l’orizontala.
Dins un bòl, botar un veire d’oliva, un veire d’aiga-ardent, un bocin de burre fondut, o mesclar tot, pèi espersonar la pasta amb aquel chuc.
Cal plegar la pasta, mès pas tròp sarrat, pèi l’enrotlar. Dins un mòtle onchut far còire al forn pendent una ora a 180°C. Acaptar pendent 20 minutas amb’una fèlha d’aluminium per que se crème pas.